Покренето обвинение за убиството на Мицев, чие тело беше најдено во резервоар во брана Турија

906

По спроведена истражна постапка, Основното јавно обвинителство Струмица  поднесе Обвинителен акт против лице од Добрејци за кривично дело – убиство врз 62 годишниот Александар Мицев од окотмври 2018 тата. Обвинителниот акт е против убиецот на Ристо Иљашев за кое со пресуда на струмичкиот од 06.02.2020 година веќе е осуден со казна затвор во траење од 20 години соопшти Јавното обвинителство.

Во текот на истрагата, обвинителството прибрало доволно докази кои ја потврдуваат основаноста на сомневањето дека обвинетиот, на речиси идентичен начин како и во случајот со претходната жртва Ристо Иљашев, го извршил кривичното дело и кон втората жртва – Александар Мицев од Струмица. Тој го лишил од живот оштетениот на подмолен начин и од материјални побуди.

Во октомври 2018 година, во адвокатска канцеларија во Струмица, обвинетиот и неговата жртва склучиле Договор за купопродажба на недвижен имот – деловна просторија. Притоа, оштетениот се јавува како продавач, а обвинетиот како купувач. По ова, тие заминале во село Добрејци, во работилницата на обвинетиот за наводна исплата на парите во готовина.

Искористувајќи ја приликата кога останале сами и довербата што оштетениот ја имал кон него, обвинетиот испукал два куршума од огнено оружје со калибар 22 (5,6 мм) во пределот на главата на жртвата. Од здобиените повреди кај оштетениот дошло до пореметување и прекин на работата на важни мозочни центри и настапила смрт.

Обвинетиот го ставил телото на убиениот во метален резервоар за гориво, кој го обвиткал со полиетиленска фолија. Потоа со возило го однел на браната „Турија“ и го фрлил во езерото.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.