Пожарникарите од Струмица, Гевгелија, Радовиш и Валандово добија униформи и опрема од Центарот за развој на Југоистокот (ФОТО)

389

Пожарникарите од ТППЕ од Струмица, Радовиш, Гевгелија и Валандово вчера и денес а по повод Денот на пожарникарите 20 ти мај ги добија униформите и опремата за гаснење на пожари на отворено. Станува збор за униформи за вкупно 112 пожарникари кои беа набавени од страна на Центарот за развој на Југоисточен плански регион во рамките на проектот ,,Прекугранична соработка во справување со шумски пожари’’ кои во изминатиот период го имплементираа со Асоцијацијата на Југозападни општини од Благоевград – Бугарија

Пожарникарите од овој дел на државата за првпат добиваат таков вид на униформи односно за интервенции на отворено и шумски пожари. Со истите се очекува да се  унапреди безбедноста и функционалноста на пожарникарите од регионот и нивен навремен и соодветен одговор против шумските пожари.

Првиот човек на Центарот Жулиета Ѓуркова со градоначалниците во општините каде се противпожарните единици ги потпиша договорите за примопредвање на униформите и опремата кои ќе бидат наменети за пожарникарите. Вкупната вредност на целиот проект што Центарот го имплементираше со Асоцијацијата на Југозападни општини од Благоевград – Бугарија изнесува околу 395 илјад  евра од кои 198 илјади беа наменети за зајакнување на капацитетите на пожарникарите од Југоистокот.

Овој проект е кофинансиран од Европската Унија преку Интеррег – ИПА Програмата за прекугранична соработка помеѓу Република Бугарија – Република Северна Македонија

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.