Пинда го промовираше идејното решение за нов стадион во Струмица, што би се градел на постоечкиот кој сака да го откупи

679

Претседателот на ФК Беласица Славчо Васков-Пинда го презентираше идејното решение за новиот стадион во Струмица што сака да го подигне на постоечкиот а ќе го носи името на фудбалската легенда Благој Истатов . Станува збор за стадион кој ќе биде со капацитет од 8 000 седишта но за да го гради, Пинда ќе мора земјиштето каде се наоѓа сегашниот,  да го откупи или да го добие по пат на јавно приватно партнерство. Како што кажа тој согласно новиот закон за спорт, спортските објекти кои се во државна сопственост како што е сегашнито стадион во Струмица а даден под концесија на ФК Беласица, ќе бидат понудени на откуп или на јавно приватно партнерство .

,, Моја цел е да се откупи земјиштето затоа што ФК Беласица на ова површина е веќе речиси 100 години. Инвестициите што ги гледате во стадионот се на ФК Беласица или ги има донесено клубот од разни донатори.  Јас се сметам за успешен од кога застанав зад ФК Беласица и затоа сакам и барам од државата да ми се овозможи да си го откупам земјиштето и да си направиме свој стадион. Тое не е ништо ново. Во светот секој клуб има свој стадион.  ФК Беласица ја има концесијата до 2037 година и ги имаме исплнети сите услови. Имаме уште 17 години од концесијата и бараме да си го откупаме земјиштето и да изградиме ,,велелепен” стадион кој ќе остане на струмичани,, рече Славчо Васков – Пинда

Имено идeјното решение за новиот стадион е на архитектот Владимир Ѓеоргиевски од Скопје. Спроед истото решение стадионот би бил енергетско ефикасен со два базени и две спротски сали и сите помошни простории за стадион кој ќе ги исполнува условите на ФИФА и УЕФА. Според предлог идејното решение, сите трибини ќе бидат според новозиградената од времето на Ванчо Таковски, што ќе значи дека останатите – монтажните ќе се дислоцираат а старата ќе се руши.

Средствата кои се потребни да се изгради новиот стадион, според проекциите на Славчо Васков Пинда изнесуваат над 25 милиони евра. Идејното решение преку ФФМ е доставено до УЕФА која треба да даде зелено светло за истото. За изградба на новиот стадион како што кажа Васков-Пинда средствата ќе се бараат од УЕФА, Владата и општина Струмица.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.