Пандевци го ангажираа хрватот Мартин Мартинага кој есенва настапуваше за скопски Вардар. Како што дознаваме тој веќе пристигнал во таборот на ФК Академија Пандев и го одработил денешниот тренинг. Станува збор за играч на позицијата лев бек.
Мартинага е роден во мај 1998 година и во досегашна својата кариера има настапувано за повеќе клубови во Хрватска како што се Славен Белупо, Копривница, Вараждин но и во словенските Декани но и во Копер од каде дојде младиот играч во скопски Вардар каде беше под надзор на Васоски.
Мартинага е петото засилување на ,,пандевци’’ откако дојде новиот стратег Александар Васоски. Досега ги ангажираа голманот Марко Јовановски, дефанзивецот Коста Манев, крилниот напаѓач Николче Шаркоски и централниот дефанзивец Игор Паноски а се очекува уште најмалку два играчи да допатуваат пред заминувањето на подготовки во Анталија Турција
Инаку како што не информираа од ФК Академија Пандев идниот викенд конкретно во сабота веќе е договорена и првата контролна средба и тоа со велешки Борец на СРЦ Пандев каде Васоски ќе го има и првиот преглед на играта на тимот што го превзеде.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
