Во петок и сабота на 14 и 15 јули на паркиралиштето на Гранит во Дојран ќе се одржи годинашново издание на ,,Мандра Фестивал’’ на кој ќе настапат повеќе музички имиња како од земјава така и од Балканот. Како што соопштуваат организаторите на ФБ ќе има два дена неверојатна музика, забава и незаборавни искуства и фестивал кој ќе ги забавува жителите, но и туристите и посетителите на Дојран!
На првата музичка вечер, на програмата се Девито, Слаткар и 2Бона додека во сабота присутните ќе ги забавуваат Цеца, Жаре бербер и ДЈ Здравко
,,Подгответе се да танцувате, да пеете и да создадете спомени кои ќе траат цел живот. Фестивалот Мандра не ја слави само и единствено музиката; се работи за неверојатната атмосфера, енергијата што струи меѓу посетителите и чувството да се биде дел од нешто навистина посебно“, стои во објавата на организаторите
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
