Перо Христов со песна од хрватски композитор ја доби првата награда од стручното жири на Охрид фест 2021 (видео)

399

На последното издание на Фолк фестивалот ,,Охрид фест-Охридски трубадури 2021’’, струмичанецот Перо Христов со неговиот авторски тим за песната ,,На капија една мајка плаче’’  ја доби првата награда од стручното жири. Станува збор за песна  за која музиката и аранжманот ги напиша Ивица Пливелиќ додека текстот е на Христов во која се опишува мајчинската тага за чедо што е во странство. Како што ни изјави Перо Христов кој зад себе има половина век музичка кариера и одамна се откажа од фестивалите, настапот на Охрид Фест е резултат на молбата и соработката со композиторот Григор Копров .

,, Со години наназад бев дел од жирито на овој фестивал и гостин со своја шоу програма. Овој пат на Охрид фест испеав една сосема различна композиција од досегашните мои и не погрешив. Композиција е дело на хрватски композитор и аранжер Ивица Пливелиќ кој ми е одличен пријател а текстот е мој. Да бидам искрен наградата не ми е многу важна затоа што ниту ќе ми донесе ниту одземе од мојата кариера, но песната со својата убавина ме освежи и ме натера да ја отпеам,, ни изјави Христов кој има освоено голем број на награди во својата кариера.

Перо Христов веке половина векена музичката сцена. Има отпеано преку 200 новосоздадени  забавни и народни пескои кои оставија белег на секое време низ годините. Вели дека  благодарение на неговата публика и подржувачи тој и понатаму ќе пее се додека го држи гласот.

Прогласувањето на победникот на Охрид Фест 2021 и победничката песна на Перо Христов според стручното жири може да ја слушнете во видеото на 1 час и 55 минути

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.