Пандев: Празникот и Струмица не научија да се почитуваме, сакаме – така нека биде и во иднина, со верба и сплотени, до нови успеси !

964

,,Сигурно никој од нас немаше да стаса до тие височини ако не беа струмичани кои секогаш не подржуваа,  ако не беа нашите учители кои не учеа и ни го трасираа патот, ако не беа нашите тренери ментори кои не усовршуваа, ако не беа  Светите 15 Тиверополски маченици кои беа нашиот чадор на верата, љубовта, здравјето, успехот“. Вака истакна Горан Пандев кој ја доби наградата за животно дело од Општина Струмица, по повод патрониот празник на градот Св. 15 Тивериополски свештеномаченици која му беше врачена на денешната свечена седница.

,,Овој празник, овој град не научи да се почитуваме, да се сакаме и да си помагаме.
Така нека биде и во иднина оти само со верба, со подадена рака, со почит и љубов, со заедништво се рушаат планини и се постигнуваат успеси. Само кога сме сплотени може да поделиме насмевки, да шириме позитивна енергија да бидеме тоа, за кои своите животи ги дале 15 те светители кои се нашите заштитници но и нашиот патоказ за подобро утре“, кажа Пандев во обраќањето од името на сите наградени.
Тој подвлече дека каде и да одел без двоумење ја промовирал Македонија и родната Струмица оти овој град е најубавото место на Балканот
,,Верувајте ми.  Каде и да одев не криев да кажам дека сум Македонец роден во Струмица најубавото место на Балканот, место каде народот е насмеан, место каде господ дарувал убавини, град кој станува препознатлив во Европа не само по спортот, туку и по културата, музиката,  науката, по прогресот“, кажа Пандев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.