Охридска фирма за 78 илјади евра внатрешно ќе ги опремува Младинскиот дом во Богородица и Културниот во Моин Гевгелиско

1056

Охридска фирма ќе ги уредува Младинскиот дом „Мите Танов-Коми“ во Богордица и Домот на културата во населното место Моин. На распишаната јавна набавка фирмата Тане 2007 Охрид го доби тендерот откако во конкуренција на други три  фирми од Скопје, Битола и Штип достави најниска цена. Договорите  со Општина Гевгелија се склучени минатиот месец со важност од една година а рокот за испорака на стоките е во рок од 90 дена од дбовиањето на налогот за реализација.

Внатрешното опремување и уредување на Младинскиот дом „Мите Танов-Коми“ во Богородица ќе чини околу 2 милиони и 514 илјади денари додека Домот на култура во Моин ќе чини околу 2 милиони и 321 илјади денари или за двата објекти околу 78 илјади и 500 евра

Според склучениот Договор објавен на системот за јавни набавки во Младинскиот дом Мите Танов во Богородица кој за празникот Богородица беше пуштен во употреба треба да бидат поставени 148 столчиња во центарот, столчиња и маса за помошните простории, набавка и монтажа на кино завеси на бина, набавка и монтажа на систем за озвучување, монтажа на 3 инвертор клими за греење и ладење за просторијата за престави но и 2 за работните простории.

Слично е и со Договорот со Домот на Културата во Моин каде се планира да бидат набавени 160 столчиња , столчиња и маса за помошните простории, набавка и монтажа на кино завеси на бина, набавка и монтажа на систем за озвучување, монтажа на 2 инвертор клими за греење и ладење за просторијата за престави но и за работните простории.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.