Откриени 123 мрежи за лов на риба во водите на Дојранското езеро а кај угостители риба без документи за потекло

3032

Инспектори од  Државниот земјоделски инспекторат заедно со преставници на полицијата, викендов во водите на Дојранското езеро пронашле 123 рибарски мрежи за лов на езерска риба. Мрежите биле долги и по 70 тина метри а бил пронајден и ,,Струк,, од 200 метри  на кои биле поставени 100 јадици.  Во акцијата мрежите биле извадени а со нив и околу 5 килограми црвеноперка и 3 килограми караш иако според информациите поголемиот дел од мрежите биле наменети за лов на крап.

Паралелно инспекторите направиле  контрола и на угостителските објекти во Дојран за и околу потеклото на рибата што се нуди . 13 те инспектори на Државниот земјоделски инспекторат направиле инспекција во осум угостителски објекти кои се лоцирани на Дојранското крајбрежје. Од еден биле одземени дури 29 килограми крап поради не поседување документација за потекло, додека во други три издадени се решенија со кои правните субјекти треба да достават документи за потеклото на рибата најдена во нивните угостителски капацитети

Дојранското езеро сеуште нема концесионер. На конкурсот кој заврши во јануари избрана е фирма  која ке стопанисува со стопанскиот и рекреативниот риболов, но заради изборите концесијата ќе биде издадена во мај. Во тој период се апелира до сите спортски риболовци да се воздржат од лов на риба бидејки согласно законот за рибарство  забранет е секаков вид на риболов и против прекршителите што ќе бидат фатени ќе бидат превземени соодветни мерки.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.