Откако изби скандал со Дино Баскет, КК МВП од Струмица бара преигрување на Ф4 турнирот за титулата за кошаркари М14

575

КК МВП Струмица бара преигрување на завршницата од Шампионатот за кошаркари до 14 години откако на нивна пријава и на КК Работнички од Скопје, КФСМ откри нерегуларности кај КК Дино Баскет од Кочани кој беше домаќин на Ф4 и ја освои титулата. Првиот човек на клубот Сашо Масев ни изјави дека федерацијата ќе мора сериозно да размисли околу легитимитетот на првенството откако кај Дино Баскет се открија повозрасни деца од дозволеното во ова конкуренција.

,, Бараме евидентирање мечевите со службен резултат 20:0 во корист на сите екипи со кои  КК Дино Баскет се натпреваруваше ова сезона и согласно новиот редослед организирање нов Ф4 турнир за што КФСМ да ја поништи претходната и да организира нова лицитација за Ф4 турнир за во М14’’, стои во дописот од КК МВП до КФСМ при што потенцираа дека КК Дино Баскет како домаќин на завршниот тунир не ја платил котизацијата од 150 500 денари

КК МВП од Струмица во најмала рака од федерацијата очекува регистрирање на полуфиналниот меч со Дино Баскет со службени 20:0 во нивна корист и одигрување на ново финале со Работнички

,, Децата треба да се радуваат на освоените места и медаљи преку кошаркарска игра а не со одлуки донесени на зелена маса.Сите заедно не смееме да дозволиме нови разочарувања и солзи во очите на нашите деца предизвикани заради лоши и неспортски одлуки’’, стои во дописот од КК МВП од Струмица при што истакнуваат дека ако не им се излезе во пресрет на нивните барањ ќе реагираат и до ФИБА

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.