Вкупно 28 ученика од основните и средните училишта од општина Радовиш добија стипендии од страна на општина Радовиш. Првиот човек на општината Герасим Конзулов им ги додели договорите за стипендирање како поддршка за постигнување уште подобри резултати и презентација на општината со нивните знаења на натпревари на национално и меѓународно ниво. Стипендиите за основците изнесуваат по 2 500 денари додека за средношколците по 3 000 денари, кои ќе ги добиваат во рок од девет месеци во годината.
Како што информираа општина Радовиш од вкупно доделените стипендии, шеснаесет се за талентирани ученици од шестто до деветто одделение во основните општински училишта а седум стипендии се за талентирани ученици од прва до четврта година од средното општинско училиште Коста Сусинов. Паралелно општина Радовиш додели и и пет стипендии на одлични ученици врз основа на социјален карактер.
„Особено задоволство и радост е да се биде во присуство на најталентираните ученици во основното и во средното образованиe во нашата општина. Со цел оваа радост да биде уште поголема и уште повеќе да го мотивираме натпреварот кај учениците за постигнување на уште поголеми успеси, планираме во иднина да го зголемиме бројот на стипендиите“, истакна градоначалникот Конзулов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
