Општина Василево ги исплати средствата од еднократната парична помош за првачињата по распишаниот Јавен повик

445

Градоначалникот на Василево Славе Андонов објави дека се исплатени средствата од мерката еднократна парична помош за секое прваче запишано во училиштата во оваа општина кои се пријавија и ги исполнија критериумите на Јавниот повик. На почетокот на учебната година Општина Василево објави Јавен повик за еднократна парична помош на семејства кои имаат запишано прваче во основно училиште на територијата на општина Василево и сите кои ги исполнија услвоите ги добија средствата во висина од 2 500 денари.

,,На сметките на родителите/старателите на првачињата запишани во основните училишта во општина Василево целосно е исплатена еднократната парична поддршка . По прибирањето на податоците од сите училишта заврши административната проверка и обработка со што сите средствата се на располагање на нивните трансакциски сметки“, објави градоначалникот Славе Андонов

На почетокот на учебната година според информациите од училиштата, вкупниот број на запишани ученици во прво одделение на ниво на општина е 99 од кои 60 во ООУ „Гоце Делчев“ и 39 во ООУ„Атанас Нивичански“. Но тогаш и од двете училишта нагласија дека согласно искуството од претходните години, очекуваат оваа бројка да претрпе корекции .

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.