Општина Валандово обезбеди околу 35 милиони денари за изградба на улица во Удово и пат со мост за Горно маало

603

Во престојниот период во општина Валандово треба да се реализираат  два проекти за кои локалните власти обезбедија средства од Програмата за рурален развој при Министерството за земјоделство шумарство и водостопанство  а беа детектирани како потреба на граѓаните од ова општина. Договорите за финансиска подршка ги потпиша градоначалникот Перо Костадинов со Николче Бабовски – директор на Агенција за финансиска поддршка во земјоделството и руралниот развој.

Станува збор за проектот  “Изградба на улица “Вардарска” во населено место Удово”, за што општина Валандово доби 15 милиони денари а пари се обезбедени и за проектот  “Изградба на пат и мост за поврзување на населено место Горно Маало, Јосифово со регионален пат Р-1105” за што од МЗШВ би требало да добијат околу 20 милиони денари

Паралелно деновиве почнаа подготвителните градежни работи за асфалтирање на улицата во населеното место Марвинци која ги поврзува магистралниот пат Р-1401 со Горна Мала – Марвинци, информираа општинските власти на Валандово. Станува збор за проект во рамките на годишната програма за изградба на локални патишта и улици за кои општината од својот Буџет има обезбедено околу 2,5 милиони денари  Според информациите улицата е долга 570 метри и на истата ќе биде поставена 2.042 квадратни метри асфалтна маса.

,,Изведбените работи на улицата, ќе траат 40 работни денови а со изградбата на оваа улица, Општина Валандово решава еден од клучните проблеми за граѓаните од ова населено место и продолжува да гради заедница со еднакви услови за живот, на сите граѓани,, објави општината на својата ФБ страна

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.