ОК Наковски Волеј викендов организира силен меѓународен одбојкарки турнир во чест на Илија Караманов

1071

Во организација на ОК Наковски Волеј, викендов во Струмица во спортската сала при СОУ ,, Димитар Влахов” ќе се оддржи Меѓународен турнир во одбојка за жени во чест на професорот, поранешниот одбојкар и тренер Илија Караманов кој остави белег и печат на струмичката одбојка.

Според најавите на првиот турнир „Илија Караманов 2019“ ќе настапат екипи од Србија, Словачка и Македонија и тој ќе стартува на  21 септември (сабота) во 17:30 часот кога ќе се сретнат екипите на  ОК „Работнички“ и ОК „Брусно“ од Словачка, а во 20:00 часот  мегдан ќе поделат  домаќинот и организатор, ОК „Наковски Волеј“ и ОК „Партизан“ од Белград, Србија.

Професорот  Илија Караманов кој последните десет години од животот беше професро во економските струки при СОУ Јане Сандански, почина на 9 август годинава на 58-годишна возраст. Беше десет години одбојкар на некогашниот Одбојкарски клуб „Југославија“, тренер на некогашниот женски одбојкарски клуб „Македонија Траншпед“ и помошник на тренерот Кире Ричлиев во ОК „Струмица“ од 1994 до 2004 година.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.