Од вечерва поскапуваат горивата на бензинските, РКЕ ги објави новите повисоки цени !

374

Од полноќ поскапуваат бензините од 1,5 до 2,5 денари, одлучи денеска Регулаторната комисија за енергетика.

Цената на Еуросупер БС-95 се зголемува за 1,5 денари за литар и тој ќе се продава по цена од 82,5 денари за литар.

За два денари поскапуваат и Еуросупер БС-98 и Екстра лесното масло за домаќинство, а за 2,5 денари дизелот.

Согласно одлуката на РКЕ, новата цена на Еуросупер БС-98 ќе биде 85 денари за литар, а малопродажната цена на Екстра лесното масло за домаќинство 75 денари за литар. Новата цена на дизелот ќе биде 76,50 денари за литар.

Се зголемува и малопродажната цена на мазутот за 1,040 ден/кг кој од полноќ ќе се продава по цена од 46,720 ден/кг.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.