Нов пораз на Беласица, надежта за бод Шкупи им ја сруши со 2 гола во последните минути

1294
dav

Беласица ниту во третиот меч од ова првенство не забележа победа. На свој терен претрпеа пораз од Шкупи со 2:0 во рамките на третото коло од Првата фудбалска лига на Македонија. Поразот го претрпеа во судиското надополнување кога Дарбое Дембо двапати ја тресеше мрежата на струмичани. Прво од пенал а потоа и од игра и тоа за две минути.

Беласица имаше свои шанси но не успеа да ги искористи. По примениот гол од пенал Пановски има одлична шанса со глава да израмни откако Каланоски му асистираше. Но откако не постигнаа гол Дарбое се прошета во одбраната на струмичани и ги постави конечните 2:0

Следното коло Беласица и гостува на Македонија ЃП.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.