Новиот одбојкарски прволигаш ,,Струмица жени” се спрема за Првата лига, успех им посакаа македонските репрезентативци

1957

Струмица во идната првенствена одбојкарска сезона во Првата лига на Македонија во женска конкуренција, ќе има уште еден преставник. Станува збор за клубот ,,Струмица жени” кој веќе пријави учество во сениорска конкуренција но и во младинските категории под капата на ОФМ. Екипата повеќе од еден месец интензивно се подготвува а со нив работат Вера Божијанова Димитриевска и Атанас Милев, кои работат на подигнување на физичката подготвеност на девојките но и на одредени тактики во одбојкарската игра.

Костурот на сениорската екипа на ОК ,,Струмица жени” е составен од струмички девојки кои беа дел од останатите струмички прволигаши и зад себе имат искуство што во сениорска конкуренција што во младинските натпреварувања. Главна цел им е да градат одбојкарски колектив и да прават изненадувања во женскиот одбојкарски прволигаш. Во раководството на клубот е познатата  екс одбојкарка  Јасмина Гушева  сега Пандева.

,, Интензивно работиме и се надеваме дека ќе бидеме екипа за респект. Станува збор за млада екипа составена од познати одбојкарки и се надеваме дека ќе бидеме екипа за респект во новата прволигашка сезона. Освен во сениорска имаме пријавено екипи и во младински категории. Натпреварите во Првата лига како домаќини ќе ги играме во спортската сала Парк ”,  кажаа од стручниот штаб на ОК ,,Струмица жени,,

Нив денеска ги посетија и македонските одбојкарски репрезентативци Васе Михаилов, Филип Маџунков, Стојанче Илиев и Славе Наков кои беа дел од ЕП во одбојка во Словенија каде остварија две победи. На новиот струмички одбојкарски прволигаш им посакаа успех во опстојувањето и остварување добри резултати.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.