Нова цена на дизелот кој од полноќ поевтинува, цените на бензините не се менуваат

447

Од ноќеска на полноќ дизелот ќе се продава по пониска цена, одлучи Регулаторната комисија за енергетика (РКЕ).

Според одлуката на РКЕ, еуродизелот поевтинува за два и пол денари по литар, а за исто толку се намалува и цената на екстра лесното масло за домаќинство.

Па така, од ноќеска на полноќ литар еуродизел ќе биде со цена од 78 денари за литар, а екстра лесното масло за домаќинство ќе се продава за 77,50 денари.

Со одлуката на РКЕ, поевтинува и мазутот и еден килограм ќе чини 43,743 денари.

Цените на бензините еуросупер БС-95 и еуросупер БС-98 не се менуваат и тие ќе се продаваат за 81, односно 83 денари за литар.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.