Започнa проектирањето за изградба на системот за наводнување од браната Конско, кажа министерот Николовски

181

Нема модерно и конкурентно земјоделство без модерни системи за наводнување на земјоделското земјиште.Вака истакна министерот за земјодлество Љупчо Николовски во интервју за ТВ Сител.  Според него брана Конско започна да се гради во 2018 година и  е целосно изградена, тестирана во целост и почнала да се полни со вода. Министерот Николовски истакна и дека браната Конско е единствениот водостопански објект кој веднаш по завршувањето на браната започнува и со градба на хидросистем за наводнување.

„Наша цел е да имаме компактен систем. Вчера ја заокруживме изградбата на браната Конско и веќе денес го дадовме налогот на фирмата конуслтат и започнува проектирањето за изградбата на системот за наводнување од браната Конско, но и на проектирањето на уште три други системи Лисиче, Пепелиште и Страиште“, истакна министерот Николовски во интервју за Сител

Станува збор за досега најголема инвестиција во водоснабдувањето и по површина и по вредност.

„Преку овој капитален проект наводнуваме нови 13.650 хекатри обработливо земјоделско земјиште, со вкупна вредност на инвестцијата од 120 милиони евра. Градиме модерни системи за наводнување и обезбедуваме сигурно земјоделско производство во општините Велес, Чашка, Неготино, Демир Капија, Дојран, Валандово, Богданци, буквално целиот тој регион ќе биде покриен со модерни системи за наводнување, и со тоа за пет пати ќе ги зголемиме површините под систем на наводнување, а со тоа ќе се зголеми и домашното производство на храна“, истакна министерот Николовски.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.