Наковски волеј со максимална победа го доби првото градско дерби со Струмица Жени

536

Наковски волеј со 3:0 во сетови го надигра градскиот ривал Струмица жени во рамките на третото првенствено коло од Првата лига. Во ова прво соочување на двата лански полуфиналисти, избраничките на Александар Митев и Хари Наковски бодрени од публиката покажаа далеку подобра игра на сите линии, која им донесе нови три бода. ,,Гостинките”  правеа доста грешки  низ текто на натпреварот и сеуште немаат победа во првенството.

Наковски волеј во текот на целиот меч имаше контрола на резултатот и играта. Со далеку подобра игра во приемот и на мрежа тие го добија првиот сет со 25:20. Вториот беше лесна задача за домакинките кои со разлика од 10 поени поведоа со 2:0 во сетови. Струмица жени не успеа ниту во третиот сет да наметне своја игра за било каква надеж, па со 25:17 Наковски волеј дојде до максимална победа и по пораот од Јанта повторно се врати на победничката патека

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.