„Мора да го сопреме пред да не сотре “ – утре протестна блокада во Струмица против рудник на Огражден !

441

„Парче своина, од дедовци и прадедовци, која давала и ќе дава живот. Мора да го сопреме пред да не сотре“. Ова е само дел од повикот со кои екоактивистите од струмичкиот регион се организираат и во сабота излегуваат на протест против рудникот за бакар и злато кај Иловица.  Револтот и незадоволството произлезе откако Владата во јуни донесе одлука за спојување на две концесии за експлоатација на бакар и злато на планината „Огражден“ на Еуромакс рисорсис на кого претходно не му даде дозвола.

,, Ова што се случуваше изминатите 7 години и она што ќе се случува во следните месеци е само рефлексија и одговор на севкупната состојба во државата која целосно се распаѓа во морето на криминал и корупција и за која одговорност пред се имаат политичките елити на секое ниво! Принудени сме да се браниме со сите расположливи средства и методи затоа што во Македонија веќе подолго време не постои правен систем кој треба и мора да ги заштити граѓаните токму од вакви тешки злоупотреби на манипулативни и бескрупулозни функционери кои се целосно распуштени и без контрола, опиени од моќта поради контролата која ја имаат врз механизмите на власта. “, соопштија од „Здрава котлина“ која во сабота во 11 часот организира блокада на централното градско подрачје во Струмица.

Тие се посебно гневни што Владата која на своја рака донела одлука за спојување на двете концесии. Како што е познато, Управниот суд ја уважи тужбата на „Еуромакс“  против владината одлука за раскинување на Договорот за една од концесиите но според активистите против рудници, предлогот  да се спојат двете концесии бил отфрлен.

,,Се потврдува корумпираноста на нашите судови и желбата на одредени политичари да профитираат. Управниот суд не го одобри барањето на тужителот компанијата да се спојат двете концесии, но Владата го направи тоа што е криминогено и ќе следат судски постапки против Владата бидејки таа нема ингеренции да го стори тоа ако судот не донесе таква одлука“, вели Стојан Велков Трн еко активист

Активистите од Здрава котлина сметаат дека состојбите со рудникот за бакар и злато се ,,забрзаа“ во корист на Еуромакс, откако во ова компанија како акционер влезе Назиф Дестамни близок на ДУИ преку холандската „НД Груп“ кој е основач на тетовската компанија „Еколог“. Тој инвестираше околу три милион евра и купи околу 25 одсто од акциите на Еуромакс. Со овој потег престана и судската пинг партија  пинг понг партијата меѓу Управен и Виш управен суд.

На протестот во Струмица учество најавија и активисти против рудници од Гевгелија, Богданци, Валандово. Тие заедно со струмичките со години водат битка против отворање рудници во Југоистокот кој е пред се земјоделски регион. Сите тие сметаат дека рудникот ќе ја уништи струмичката котлина која дава живот за илјадници и илјадници граѓани. Паралелно доколку се дозволи на Огражден, стравуваат дека сценариото може да се повтори и во нивните општини.

,,Рудникот на смртта Иловица-Штука е зло кое мора да биде запрани и тука сите сме на јасно освен оние што имаат намера да профитираат врз маката на сите жители во Југоисточна Македонија. Под опасност ќе биде земјиштето, водата, едностанвно животот“, сметаат активистите

Миниситерството за економија соопшти дека нема да даде Дозвола за експлоатација за отворање рудник  без исполнување на највисоките станадарди за заштита на животната средина и здравјето на луѓето кои претходно ќе бидат консултирани и сослушани за овој проект.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.