Локалните и регионалните радија и телевизии бараат да се формира Фонд за развој на медиумите

104

Во Струмица се одржа дебата за формирање Фонд за развој на медиумите посебно на локалните и регионалните радиодифузери кои се пред затварање заради тешка финансиска подршка. Здружението „Медиум објектив“ бара Фондот да се полни со средства надвор од Буџетот на државата, пред се’ од агенции каде се слеваат средства од граганите и бизнис секторот и други економски оператори истакна Димитар Мицев од здружението на електронски медиуми ,,Медиум објектив’’

ЗНМ е против директна парична подршка кон медиумите. Првиот човек Младен Чадиковски смета дека треба да се размислува кон олеснувања на медиумите во поглед да се намали надоместокот кон Агенцијата за филм, музика, ЗАМП,АЕК, придонеси за вработените.

Владата има намера да ги слушне ставовите на членовите на здружението на електронски медиуми, но нема да избрза со конкретна одлука. Тврдат дека секоја идеја треба да се разгледа но, ако е издржана и во функција на квалитетни медиумски содржини.

Учесниците на првата дебата формирање Фонд за развој на медиумите расправаа за што би се трошеле парите од фондот, дали ќе има развоен концепт кај локалните и регионалните медиуми и  дали ќе се подобри статусот на новинарите како главни носители во креирањето на медиумските содржини.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.