Летово во Ново Село – Балканско во одбојка на песок за мажи и жени со учесници од шест држави !

703

Летово во Општинскиот центар Ново Село ќе се одржи Балканско првенство во одбојка на песок за мажи и жени откако ОФМ од Балканската одбојкарска асоцијација ја доби организацијата во двете категории до 22 години. Засега не е дефиниран терминот кога конкретно ќе се одржи Балканското во Ново Село. Се планира да биде или јули или во август на кое ќе учествуваат двојки од Македонија но и од Србија, Молдавија, Романија, Турција, Косово. Се очекуваат најмалку 25 натпреварувачки двојки од овие држави

Според првичните најави првенството би се одржало во дворот на ООУ Мануш Турновски во Ново Село каде ќе бидат монтирани одбојкарски терени на песок но и дополнтелни монтажни трибини за следење на натрпеварите со сета останата потребна инфраструктура а учесниците ќе бидат сместени во сместувачки капацитети во непосредна близина  на Ново Село.

Балканското во Ново Село е резулат на желбата и ентузијазмот кај одбојкарски работници од регионот кои изминатиот период сериозно работат со младите од Општина Ново Село и веќе формираа одбојкарски клуб ЖОК Ново Село. Паралелно во Ново Село на иницијатива на група млади влубеници на одбојката во 2019 година, токму во дворото на Мануш Турновос се одржа турнир во одбојка на песок во машка и женска конкуренција.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.