Костадинов на одбележување на „Светите 15 свештеномаченици“ во Кукуш

293

Градоначалникот Костадин Костадинов со свои соработници и членови на Советот на општина Струмица, денеска се гости на одбележувањето на празникот на градот Кукуш во Грција, „Свети 15 Тивериополски свештеномаченици” според Грегоријанскиот календар. Посетата е на покана на градончалникот на Кукуш,  Димитрис Киријакидис.

Општинската делегација присуствуваше на утринската Божествена Литургија и Литија, а  на која присуствуваше и Митрополитот Струмички г. Наум и верници од Струмица.

Градоначалникот Костадинов имаше и средба со градоначалникот Киријакидис на којашто разменија нови идеи за продлабочување на соработката меѓу двете општини, а го покани и во возвратна посета за празникот на Струмица „Свети 15 Тивериополски свештеномаченици” којшто се одбележува на 11 декември.

„На покана на градоначалникот Димитрис Киријакидис, со делегација од мои соработници и советници, присуствувавме на утринската Божествена Литургија и Литија на која присуствуваше и нашиот Митрополит Струмички г. Наум и верници мои сограѓанки и сограѓани од Струмица.По утринската Богослужба имав средба со градоначалникот Киријакидис на којашто разменивме нови идеи за продлабочување на соработката меѓу двете општини. Нашите пријатели од Кукуш ги поканив на возвратна посета за празникот на нашата Струмица „Свети 15 Тивериополски Свештеномаченици“ на 11 декември, напиша струмичкиот градоначалник на ФБ

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.