ТОП 10 најчитани и најпосетувани вести на Дрнка.МК во минатата 2023 !

994

Информациите за невоообичаените потфати но и успесите на одредени лица од Југоистокот беа најчитани и најпосетувани вести на нашиот информативен портал Дрнка.МК за минатата 2023 година. Како релативно млад онлајн медиум, успеавме да се наметнеме кај публиката во Југоистокот и пошироко, пред се поради професионалното и објективно информирање базирано на факти и аргументи.

Најчитана вест минатата година беше потфатот на Драган Крстев од струмичко Ангелци и негови пријатели кои од Англија со такси возила тргнаа кон Македонија со добротворна мисија.

Потоа следува успехот на струмичанецот Павле Витанов кој победи во шоуто ,,Никогаш не е доцна“ со онлајн гласовите на публиката.

Не помалку читани беа и информациите со успехот на Славица Ангелова која по победата доби автомобил од продукцијата Гранд.

Меѓу најчитаните информации на нашиот информативен портал беше и успехот на средношколците од Димитар Влахов Христијан и Стоја кои победија на тракторскиот натпревар во Кавадарци и се закитија со златни медали.

Во категоријата најчитани вести се најде и информацијата за посетата на пијанистот Симон Трпчевски со неговата мајка во родното Секирник каде после неколку месеци одржа и концерт.

На врвот на најпосетуваните и најчитани вести се најде и потфатот на српскиот актер Микица Петронијевиќ кој се бори за подобар статус на лицата со аутизам па пешачеше од Србија до Света Гора – Грција поминувајки и неколку денови во градовите од Југоистокот.

Меѓу најчитаните беше и успехот на Оливера Пепиќ од Струмица која беше избрана за највешта жена во Македонија со нејзината маса ,,Вечера кај кралица“

Мојата маса беше наречена „Вечера кај кралица“. Мотивот беше поради тоа што секоја жена на момент сака да се почувствува посебно и отмено, да изгледа единствено и кралски, вели Оливера

Во ТОП 10 те најпосетувани вести се и Ајверијадата во Босилово, за полициската акција во Гевгелија и Богданци но и веста поврзана за начинот на апликации на субвенциите во земјоделството по новиот модел оваа година. Порталот Дрнка.МК останува на мотото и понатаму да информира со факти и аргументи за сите случувања и личности од Југоистокот.

Ваш Дрнка.МК портал

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.