Кафулињата и угостителите наместо до 22 часот ќе работат по старото работно време, одлучи Владата

1825

На вчерашната 70-та седница на предлог на Комисијата за заразни болести, Владата донесе измени на Протоколот за отворање и работа на кафетериите и на Протоколот за отворање и работа на угостителски објекти за исхрана.

Со тие протоколи овие објекти сега ќе можат да работат според работното време утврдено во нивните лиценци за работа, наместо до 22:00 часот како што до сега беше определено. Одлуката за продолжување на работното време на угостителските објекти подразбира работа до полноќ во работни денови и до 1 часот после полноќ за време на викенд.

Измените на овие протоколи стапуваат во сила со денот на нивното објавување во „Службен весник“.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.