Јубилејното 30 то издание на струмичкиот карневал кое започна завчера нема во целост да се реализира. Заради појавата на коронавирусот во земјава по препорака на епидемиолозите, откажани се сите понатамошни карневалски активности. Ова значи дека вечерва во Сирус ќе нема маскенбал каде што требаше да се изберат принцот и принцезата ниту пак утревечер ќе се реализира големото дефиле по струмичките улици на кое се очекуваа околу 1500 маски а се откажува и неделниот детски карневал во недела.
Според пишувањата на порталот 360 ваква одлука денес треба да донесе Владата односно да забрани одржување на било какви манифестации и организирање на јавни собири. СтрумицаНет доби и потврда од градоначалникот на Струмица Коста Јаневски дека синоќа после концертот под маски на струмичкото музичко училиште, преставниците на организациониот одбор имале состанок и биле во корелација со Управувачкиот комитет како највисоката инстанца во системот за управување со кризи во земјава, одлучиле сите активности да се откажат.
Да се откажат карневалите во Струмица и Прилеп било препорака на епидемиолозите од Комисијата за заразни болести кои сметаат дека масовните собирања може да придонесат за ширење на вирусот. Допрва треба да се конкретизира кога ќе се реализира годинашново издание на струмичкиот карневал кој започна завчера и кога претседателот Цицимов истакна нема карневалот ќе се реализира според утврдената динамика
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
