Какви бизнис проекти изработија младите од Југоистокот на кампот во Дојран во рамките на проектот ,,Би Ин” (ФОТО)

362

20 тина млади лица од Југоистокот кои беа дел од кампот во Дојран што го организираше Центарот за развој на Југоисточниот  плански регион изработија и презентираа шест бизнис планови. Бизнис плановите произлегоа откако младите учеа и се едуцираа за претприемништвото и инувации под менторство на еминентни професори, претприемачи и експерти во рамките на проектот ,, Деловен еко систем како дел од итегрираниот систем – Би Ин’’

Кино на отворено, фитнес клуб со просторија за здрава храна, продавница за гардероба – втора рака, фирма за достава на храна со електричен мотор, платформа за е-недвижности,,, беа само дел од концептите кои младите ги иницираа и изработија бизнис планови откако констатираа дека вакви деловни активности недостасуваат во Југоисточниот плански регион.

,,Освен обуките за претприемништво, беа организирани и мотивациски  активности каде младите слушнаа успешни животни и бизнис приказни. Сето тоа предизвика поттик кај младите да изразат желба за учество во тридневното студиско патување во Грција, кое во наредниот период е предвидено да се одржи во рамките на проектот. Сите учесници на кампот се стекнаа со сертификати за учество како и со книга насловена како „7 навики на успешните луѓе“ од Стивен Кови кој важи за  најпочитуваниот мотиватор во корпоративниот свет. Учесниците со најдобри бизнис идеи ќе добијат и бесплатно користење на Заедничкиот работен простор кој се наоѓа во просториите на Центарот за развој на Југоисточниот плански регион во Струмица,,, соопштија од Центар за развој на Југоисточниот плански регион

Кампот беше организиран со цел да се поттикне претприемачкиот дух на младите во регионот, мотивот за соработка, развој на своите бизнис идеи во бизнис планови, како и активно учество на пазарот на трудот.  Кампот  е организиран во рамките на проектот „Бизнис екосистем како интегриран систем“, финансиран од Европска Унија и Националните Фондови на земјите учеснички преку Интеррег ИПА Програмата за прекугранична соработка помеѓу Грција – Р. Македонија 2014-2020.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.