Истражувачки новинари ќе патуваат низ Македонија за да се борат со корупцијата, наскоро и во Струмица

1337

Тимот на новинари и продуценти на Истражувачката репортерска лабораторија – ИРЛ започна со реализација на проектот „Мобилни редакции“, што до крајот на мај оваа година ќе се спроведува во три региони во земјата: полошкиот, североисточниот и југоисточниот. Основната цел на овој проект е да се истражи корупцијата на локално ниво, преку непосредна комуникација со граѓаните во тие средини, со помош на слободното, истражувачко новинарство.

За да се запознае со локалните проблеми со фокус на корупцијата, тимот на ИРЛ ќе престојува во секој од трите региони, каде ќе оствари директна комуникација со граѓаните и ќе изврши теренски новинарски истражувања. При тоа ќе бидат креирани видео стории што ќе бидат објавени на интернет порталот на ИРЛ (irl.mk), на социјалните мрежи, како и на локални и национални телевизиски канали.

Мобилната редакција од денеска е во североисточниот регион и е стационирана во Крива Паланка каде беше организиран отворен ден со граѓаните на кој присуствува и преставници од Државната комисија за спречување корупција, Државниот ревизор и на локлани невладини организации. Идниот месец мобилната редакција ќе се префрли во полошкиот регион во Тетово а на почетокот на мај ќе биде поставена во Струмица за југоисточниот регион

„Убедени сме дека овој проект ќе придонесе кон остарување на континуирана мисија на ИРЛ за враќање на довербата во слободното, истражувачко и аналитично новинарствоза да може тоа да им помогне на граѓаните да дојдат до точни и релевантни информации за состојбите во сферата на корупцијата, криминалот и владеењето на правото“, објаснува раководителката на тимот на ИРЛ, Сашка Цветковска. „И преку овој проект сакаме да покажеме дека медиумите се вистинските чувари на демократските вредности и заштитник на јавниот и граѓанскиот интерес“, вели Цветковска.

Во целокупната имплементација на проектот, како и во самиот процес на создавање на истражувачки новинарски стории, ИРЛ ќе соработува до голем број граѓански организации, кои долги години работат на национално и локално ниво на теми поврзани со корупцијата и нејзиното сузбивање, со локалните канцеларии на Здружението на новинарите, како и со Државната комисија за спречување на корупцијата, Државниот ревизор и Канцеларијата на Народниот правобранител.

Тимот на истражувачката репортерска лабораторија – ИРЛ е составен од истакнати новинари и други медиумски и комуникациски професионалци со долгогодишно искуство. Здружението е основано со иницијална поддршка на Меѓународниот проект за известување за организиран криминал и корупција (OrganizedCrimeandCorruptionReporting Project – OCCRP) која претставува истражувачка репортерска платформа формирана од повеќе од 40 непрофитни истражувачки центри и неколку регионални и глобални новински организации низ светот.

За повеќе информации посетете ја веб-страницата на ИРЛ www.irl.mk,како и профилите на социјалните мрежи: www.facebook.com/IRLMacedonia/; www.instagram.com/irlmacedonia/и www.twitter.com/IrlMacedonia

Повеќе информации за целиот проект може да се добијат и преку видеата кои се поставени на овие линкови:

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.