Инспекторите да си ја спечалат платата со излегување на терен и контроли на загадувачите, побараа активистите за чист воздух во Струмица

931

Незадоволни од работата на инспекциските органи, група струмичани вчера со собир на плоштадот Гоце Делчев во Струмица, повторно го изразија своето незадоволство од непревземањето мерки против аерозагадувањето.

Тие ги повикаа инспекторите да излезат на терен, да ги  откријат и санкционираат загадувачите и на тој начин да се  стават на страна на граѓаните. Сметаат дека иако пред две недели упатиле повеќе барања до одговорните на терен нема ништо а единствено што ја спасила Струмица од високите ПМ 10 честички овие денови е ветрот.

,, Не истапивте  со ниту еден конкретен чекор да го спречите загадувањето. Ние овде како  неформална граѓанска иницијатива од Вас бараме, надлежните инспектори  да ја спечалат платата од нас граѓаните и да бидат во служба на народот, редовни контроли на индустрсиките капацитети, контрола на отпадот кој фино спакуван ни го носат за горење во струмица и околината, контрола на суровините за греење на оранжериите. Санкционирање на прекршителите без исклучок ,, кажа Данче Стефановска Апостолова од неформалната граѓанска иницијатива од Струмица.

Тие уште еднаш потенцираа дека потребни се зачестени и редовни контроли од инспекторит. Меѓудругото тие побараа  контрола на сообраќајот, пар-непар возење а од Владата побараа субвенционирани инвертори и за општина Струмица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.