Прволигашот Академија Пандев ја продолжи традицијата. Во пресрет на празниците повторно ги собра на едно место најмалите ,, пандевци’’ и ги изненади со Дедо Мраз и новогодишни пакетчиња. Станува збор за дечињата кои тренираат и се дел од школата на Академијата а во спортската сала Парк во Струмица имаа можност и да се дружат со фудбалерите од сениорскиот состав кои се на зимски одмор
,,Традиционално како и секоја година, ФК Академија Пандев им подели новогодишни пакетчиња на најмалите членови на фудбалската школа во Струмица. Дедо Мраз им ги подели пакетчињата, а децата имаа шанса и да се дружат и со нивните фудбалски идоли од сениорскиот тим. Со оваа заедничка дружба ја испраќаме 2019та година и со многу позитивна енергија ја пречекуваме новата 2020’’, стои во објавата на ФК Академија Пандев кои на сите им посакаа среќни и весели празници!
Струмичкиот прволигаш ова година ја запишува како една од најуспешните бидејки ја освои КУП титулата а есенскиот дел го заврши на третото место.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
