Струмица доби Шелтер центар за жртви на семејно насилство, каде може да се сместуваат жртви и од Југоистокот (фото)

1741

Здружението ,,Скај плус’’ во партнертство со општина Струмица, струмичката епархија на МПЦ и локални фирми, адаптираа простории и изградија Шелтер центар за сместување на жртви на семејно насилство. Таму може да се сместатат околу осум жртви кои ќе добиваат психо социјална поддршка од мобилни тимови за нивна интеграција во заедницата.

,,Ние изградвиме Дом на сите жртви каде ќе може да се чуствуваа сигурно и безбедно, дом со поддршка, за да излезе посигурна и постабилна за да застане на свои нозе. Обезбедивме околу 200 метри квадратни простор за сместување , простор кој бара оддржливост и ова нека биде апел до министерството и сите чинители дека овој центар треба да опстојуваа,, рече Стојне Митева од здружението Скај плус која подвлече дека во овој Центар може да се сместуваат жртви од од целиот Југоисточен регионио

На промоцијата на овој Центар чија изградба ја финансираа општина Струмица и со помош на струмичката епархија при МПЦ и околу 35 компании, градоначалникот Коста Јаневски кажа дека овој проект е резултат на соработката на повеќе страни во функција на лица на кои има треба заштита

,,Истиот ќе биде комплекс од социјални услуги за лица жртви на семејно насилтво, жени и деца, кои ќе бидат сместени за период до 6 месеци и ќе бидат насочени кон обезбедување на индивидуална поддршка, задоволување на секојдневните потреби и правно советување или социјално – психолошка помош кога е потребна итна интервенција преку тимови за мобилна кризна интервенција.

Според здружението Скај плус во првите 9 месеци од годината во СВР Струмица се евидентирани 69 пријави на семејно насилство. Шелтер центарот со работа ќе отпочне откако ќе добие лиценца и дозвола за работа од Минситерството за труд и социјална политика.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.