Изгореа две куќи во Гевгелија, едно семејство остана без дом, облека, храна – Црвен крст апелира за помош

1099

Пожар пеплоса две куќи залепени една до една во Гевгелија при што едно петчлено семејство остана без кров над глава и основни животни намирници.  Пожарот бил регистран вчера во раните утрински часови при што членовите на петчлено семејство биле навремено евакуирани и нема повредени. Благодарение на навремената интервенција на гевгелиските пожарникари пожарот не се проширил на останатите домови бидејки се случил во густо населена средина.

,,На 28.02.2024 во 02.00 часот во Полициската станица Гевгелија било пријавено дека на ул.„Солунска“ во Гевгелија настанал пожар во куќи сопственост на Ц.Б. и З.П. од Гевгелија. Од екипа на Територијалната противпожарна единица Гевгелија пожарот бил изгаснат, а повредени лица нема. Увид на местото ќе изврши екипа на ОВР Гевгелија,, стои во инфорамацијата на СВР Струмица

Градоначалникот на Гевгелија Андон Сарамандов апелираше на хуманост кај гевгеличани при што најави обезбедување на средства

,, Како градоначалник понудив помош за времено сместување на семејството, а во соработка со Црвен крст Гевгелија и останатите институции ќе бидат обезбедни сите основни потребни ресурси.Исто така според последните информации кои ги добив, разгледана е можноста и на наредната седница на Советот на Општина Гевгелија ќе биде поднесена иницијатива за обезбедување на финансиска поддршка за фамилијата.,, објави градоначалникот Сарамандов

Апел за помош стаса и од Црвениот крст од Гевгелија. Од таму бараат од сите хумани луѓе да донираат во моментов облека и храна на членовите на семејството

,, Потребна е зачувана, чиста и нова облека за: 2 машки деца на возраст од 15 години величина ,  1 машко дете на возраст од 10 години величина S, 1 возрасно машко лице (XL/2XL величини) и 1 возрасно женско лице (M величина) како и храна  со подолг рок на траење и конзервирана храна, како и средства за хигиена. Паралелно ќе бидат поставени и кутии за донации на парични средства на повеќе локации во Гевгелија,, стои во информацијата на Црвен крст Гевгелија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.