АК ,,Скала“ од Струмица постави вештачка карпа од 9 метри со 10 насоки за искачување во ООУ „Видое Подгорец“ (фото/видео)

754
Вештачката карпа е од два дела а поставени се повеќе од 10 насоки, различни спрема тежина за искачување

Алпинистичкиот клуб ,,Скала“ од Струмица ја стави во функција вештачката карпа во ООУ,, Видое Подгорец“  каде учениците но и лубителите на адреналин ќе може да ја користат за усовршување на техники за искачување. Станува збор за вештачка карпа од два дела во висина од 6 и 9 метри на кои има поставено 10 насоки за искачување. Заради безбедноста, тренажниот процес ќе биде под будното око на членовите на АК ,, Скала“ кои ќе ги учат заинтересиранте за техниките на спортското искачување и алпинизам.

,,Вештачката карпа е во два дела, едниот дел со поголем наклон е висок 6 метри, а вториот дел е повисок со висина од 9 метри. Поставени се повеќе од 10 насоки, различни спрема тежина, но сите може да се комбинираат и затоа не може да се каже точен број. Секој кој сака може да проба во отворените денови кои дополнително ќе ги организираме, а оние кои ќе сакаат да продолжат да тренираат или рекреираат ќе организираме термини за тренинг. Сепак напоменуваме дека карпата ќе може да се користи исклучиво под надзор на лице од АК Скала, како што и пишува на самата карпа,, ни изјави Васил Георгијевски од АК,,Скала“ од Струмица

На првиот отворен ден на вештачката карпа во ООУ „Видое Подгорец“ беше присутен и првиот човек на Струмица Костадин Костадинов кој подвлече дека Струмица добива уште едно катче каде младите ќе можаат да се дружат со спортот отколку да бидат пасивни.

,,Давајќи го својот влог во здравиот живот на младите, упатувам апел што помалку време да поминуваат со телефоните и пред компјутерите, а повеќе да ги има на спортските терени коишто ги имаме доволно во нашата Општина. Да бидеме физички активни и да го развиваме масовниот и индивидуалниот спорт. Така си помагаме себе си и на заедницата во којашто живееме“, објави градоначалникот Костадинов.

Васил Георгијевски и Александар Дончев неодамна беа гости во поткаст на Биди Свој каде отворено зборуваа за спортското искачување и аплинизмот. Колку е безбеден овој спорт, кој се може да го практикува, која е убавината на спортското искачување и алпинизмот, што опрема е потребна……..

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.