За убиството на Ристо Иљашев во мај минатата година, чие тело беше пронајдено искасапено во метално буре во брана Турија месец и половина подоцна, струмичкиот суд му изрече казна затвор од 20 години на Марјанчо Велев од Добрејци објави државната новинска агенција МИА. Според одлуката на судскиот совет предводен од судијката Цона Каламерникова, Велев лани на 7 мај лани на подмолен начин го лишил од живот Иљашев. Најпрво во неговата работилница во Добрејци, му пукал во пределот на тилот а потоа го завил во фолија и го ставил во буре со 13 тегови за да потоне во браната Турија при што направил засеци на бурето со секира. Токму секирата пронајдена во комбето на Велев бил еден од главните докази, кои укажувале дека тој е сторител на убиството објави МИА
Одбраната на осудениот најавија дека ќе поднесата жалба до Апелацискиот суд во Штип и ќе бараат повторно отворање на постапката бидејки според нив, доказот дека дупките на бурето одговарале со сечивото на секирата било спорно и не може да биде главен доказ за некој да се прогласи за виновен и се осуди на 20 години затвор. Одбраната смета дека убиецот на Иљашев е друг човек кој не е од Струмица. Инаку Велев е осомничен дека е сторител и на уште едно убиство за кое Јавното обвинителството нема покренато сеуште обвинение.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
