Ретко кој веруваше во проектот ЖОК ,,Ново Село“ и тоа во рурална општина…. Но по неполни две години од формирањето, сите погледи се свртуваат во потенцијалот и квалитетот што го нуди клубот пред се во младите категории. Женскиот одбојкарски клуб ,,Ново Село“ полекна прераснува во синоним во женската младинска одбојка и успешно се позиционира на македонската одбојкарска сцена.
Со посветеност, професионална работа, упорност, заеднички труд на населението, спортските работници, со поддршката на градоначалникот Ѓорѓе Божинов, ЖОК „Ново Село“ не само што ја собра и обедини младината да спортува туку почна да реди и успеси. Во пионеркса и кадетска конкуренција во своите групи на прво место.
Клубот под водство на Миле Ѓоргиев и Марија Ричлиева задолжена за тренажниот процес прави вистинска спортска ренесанса во Општина Ново Село. Успеаа со нивната упорност и помошта од Општина Ново Село да се врати сјајот на салата „Христо Татарчев“ од запуштен објект сега во спротски храм. Благодарение на нивниот ентузијазам Ново Село се позиционира и како успешен домаќина на Балканско првенство во одбојка на песок каде имаше одбојкари од десетина балкански држави.
Сега ЖОК ,,Ново Село“ или поконкретно на 8 ми и 15 ти декември ќе биде домаќин на турнирите од државното пионерско и кадетско првенство што значи дека и Одбојкарската федерација на Македонија ја препозна професионалната работа и упорноста на младите ентузијасти од новоселскиот клуб дека спортот постои и во мали средини но само треба професионалци и поддршка.
Победите на младите девојки ја врати и публиката во „Христо Татарчев“ во Ново Село кои даваат несебична поддршка на младите девојки од кои многу се очекува во иднина. Поддршка освен од Општина Ново Село има и од Здружението во Швајцарија „Sport4kids“ како и многу фирми кои несебично пружија рака на ЖОК ,,Ново Село“.
,,ЖОК Ново Село е амбициозен проект кој што не престанува да расте, во оваа сезона имаме амбиции за две први места во групната фаза. За следна сезона веќе имаме изработено стратегија и план, каде што клубот ќе биде преознатлив по многу други работи. Од нашето професионално и посветено работење во летото 2024 година за Ново Село беше предложено и изгласано кај нас да биде оддржано Балканското Првенство на песок за мажи и жени до 22години,, соопштија од клубот (В.Трајков /фото ЖОК Ново Село)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
