Младинците на Џио Струмица без пораз во својата група каде се наоѓаат со тимовите на Јанта Волеј од Скопје, Шкендија од Тетово и УГД од Штип. По победите на првиот турнир во Скопје каде младите струмичани славеа против своите врсници од Јанта и УГД, викендов во Штип славеа повторно победа над Јанта Волеј но и против младинците од Шкендија со што момците на Јане Попов и Костадин Ричлиев имаат максимален учинок.
На овој турнир младинците од ОК Џио Струмица настапија без Дејвид Ѓоргиев кој доби незгодна повреда на турнирот во Скопје, па двете победи во Штип му ги посветија на својот соиграч кој заради санација на повредата ќе мора да паузира извесен период од одбојкарските терени.
Младинците на Џио Струмица треба да го одработат и третиот турнир во кој повторно се апсолутни фаворити. Истиот би требало да се одигра за две недели по што ќе се знаат кои ќе се четирите најдобри младински состави во Македонија за освојвуање на шампионскиот пехар во малдинска конкуренција за кој големи се шансите да го освојат струмичани
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
