Д-р Поцкова ги повика граѓаните во среда масовно да излезат и гласат за Гордана Силјановска Давкова

77

 

Почитувани сограѓани,

Во среда на 24 април ќе се одржи гласањето во првиот круг за претседател на Република Македонија.

Резултатите од овие избори ги препознава секој реален граѓанин: Претседател на Република Македонија ќе биде Гордана Силјановска Давкова, кандидатка на ВМРО-ДПМНЕ. Ќе победи како реализирана,  искрена и честита жена која верува во државноста на својот македонски народ. Кандидатка која знае што е устав и закони.

Ни претставува чест, имаме историска должност, како Изборен штаб да ве поканиме масовно да излеземе во среда на 24 април и со заокружување на бројoт 2 да дадеме силна поддршка на кандидатката на ВМРО-ДПМНЕ, Гордана Силјановска Давкова.

Утре, секој коректен политичар треба да го почитува предизборниот молк. Македонија едноставно ни е одземена но, промените се можни и сега ни се на дофат. Затоа, чистиот и законски тек на изборниот процес се важни за сите нас граѓаните.

Македонија и нашата надеж се вечно живи: „кај што мислат тоне – таа извира“!

Победа на нашата кандидатка ќе значи пораз на комплетно погрешните политики на власта на СДСМ.

Во среда промените се во твои раце. Да излеземе масовно на избирачките места, да го оствариме со гордост нашето граѓанско право, да не дозволиме некој друг да решава во наше име, да го заокружиме на гласачкото ливче бројот 2.

Во среда нека нашиот глас за Гордана Силјановска Давкова одекне во гласачките кутии. Од таму, силен глас нека објави: Македонија е повторно твоја!

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.