Дури 11 струмичани во македонската одбојкарска репрезентација во походот за ново Европско првенство

1238

Одбојкарските репрезентативци од утре ги почнуваат контролните мечеви како дел од подготовките за квалификациониот турнир во Скопје идниот месец за ново учество на Европско првенство. На списокот на селекторот Никола Матијашевиќ се најдоа 11 струмичани од кои дури 6 се одбојкари на  ОК Џио Струмица.  Последни што се приклучија на ,,фалангата’’ се браќата Ѓеоргиеви кои завршија со клупските обврски и тие веќе му стојат на располагање на тренерскиот тандем Матијашевиќ и Николиќ чии избраници утре и задутре ќе играат со селекцијата на Бугарија

Селекторот Матијашевиќ на патот за пласман на ЕП во Полска, Чешка, Естонија и Финска идната година, освен браќата Никола и Ѓорги Ѓоргиеви ги повика и Александар Љафтов кој настапува во бугарскиот шампионат но и Филип Маџунков од Германија. На списокот се и одбојкарите на Џио Струмица – Владо Милев, Васко Михаилов, Ристо Николов, Славе Наков, Ефтим Ричлиев и Костадин Ричлиев. Повикан е и екс играчот на Џио кој сега го носи дресот на Вардар Стојанче Илиев

Распоред на мечевите во квалификациите идната година во Скопје, на кој македонските репрезентативци треба да атакуваат на првото место или да бидат меѓу најдобрите 5 второпласирани состави од сите квалификациски групи

11.јануари: Македонија – Босна и Херцеговина (18.00)
12.јануари: Босна и Херцеговина – Турција (18.00)
13.јануари: Македонија – Турција (18.00)
14.јануари: Македонија – Босна и Херцеговина (18.00)
15.јануари: Турција – Босна и Херцеговина (18.00)
16.јануари: Македонија – Турција (18.00)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.