Професорката по математика Драгица Ѓавочанова од Богданци која беше 11 та по ред на кандидатската листа на СДСМ и коалицијата ,,Можеме“ во 4 Изборна единица на последните парламентарни избори, влегува во Собранието како нова пратеничка. Таа пратенички мандат добива, откако мандаторот за нова Влада – Зоран Заев, си поднесе оставка од функцијата пратеник. ДИК на седница го усвои извештајот и го додели уверението за мандатот, по што сега процедурата повторно се враќа во законодавниот дом каде што на собраниска седница треба да се верификува нејзиниот мандат.
Социјалдемократите на изборите на 15 јули во ,,четворката“ освоија 10 пратеници на чело со лидерот на СДСМ Зоран Заев, кој беше носител на листата. По денешната оставка на Заев, во парламентот влегува следниот од листата а тоа е Драгица Ѓавочанова која беше и претседател на Советот на општина Богданци. Од Југоистокот освен Ѓавочанова, пратенички мандати имаат Коста Костадинов од Струмица инаку портпарол на СДСМ и Никола Чаракчиев од Радовиш кој беше претседател на Советот на општината. Следен на листата за влез во Собранието од ова коалиција од 4 ИЕ е Љубица Спасова од Струмица, професорка во СОУ Димитар Влахов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
