До 25 декември е аплицирањето за дополнителните пари од субвенциите за ова година по новиот модел, потсетува МЗШВ

556

Министерството за земјоделство ги потсетува земјоделците дека во тек е аплицирањето за финансиска поддршка односно за дополнителните средства од субвенциите за 2023 согласно Програмата за финансиска поддршка во земјоделството ова година. Станува збор за субвенции за пријавените површини, за кои земјоделците во мај аплицираа и ќе добијат авансната исплата од 30 % додека за останатите 70 % ќе мора до 25 декември повторно да аплицираат и да дадат документ или изјава каде ги дале производените количини.

Во мај-јуни се земјоделците аплицираа за субвенции и ги пријавуваа површините со одредената култура. За тоа државата авансно ќе исплати 30 одсто од предивдените субвенции кои се најавени дека ќе легнат кај земјоделците до крајот на годинава. На пример за декар пипер по површина, се доделува 3000 денари. Со пријавувањето на површината, државата исплаќа 1000 денари за останатите 2000 сега земјоделците повторно ќе мора да аплицираат при што носат документ од регистриран откупувач или преработувач за предадените количини (од декар најмалку 1 500 килограми пиперки за да ги добијат сите 2000 денари ) или пак изјава дека ги продал на пазар или за своја употреба. Слично е и за доматите, краставиците и други култури кои се предвидени со Програмата при што се утврдени и минимум количините.

Со ова пријавување земјоделците не само дополнителните пари по површина, на своите сметки ќе ги добијат средствата и од мерката за предадено производство кај преработувачи од 3 денари за килограм.

Министерството за земјоделство, шумарство и водостопанство, упатува апел до сите земјоделци навремено да ги пополнат барањата и да аплицираат, остварувајќи го правото за дополнителни директни плаќања за полјоделски култури, градинарски култури, овошни и лозови насади.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.