Дориев од А.Пандев најскап фудбалер во мак првенството, расте вредноста на Стоилов, Илиев, Рајковиќ и Томовски – објави Трансфермаркт

3151

Според Трансфермаркт официјалниот сајт каде се вреднуваат фудбалерите по нивните настапи, Љупче Дориев од Академија Пандев  е еден од најскапите фудбалери во македонското прволигашко фудбалско првенство. Според овој сајт, цената на 23 годишниот Дориев за евентуален тренсфер би чинела околу 700 илјади евра што во однос на лани овој период е речиси двојно повеќе објави неодамна овој специјализран сајт за вредноста на фудбалерите.

Освен Дориев во групата најскапи фудбалери во домашното првенство влегуваат и фудбалерите на Шкендија Агим Ибраими и Хуан Фелипе.

Веднаш зад Дориев најскап и највреден фудбалер на Академија Пандев е Ѓорги Стоилов. Во моментов според Трансфермаркт неговата цена чини околу половина милион евра а трет фудбалер по вредност е Томислав Илиев чија цена изнесува 350 илјади евра колку што изнесува цената и на 22 годишниот Давид Атанаскоски.

Озвен за Дориев, Стоилов, Илиев според Трансфермаркт, расте вредноста и за новото засилување на ,,пандевци”  Марко Рајковиќ но и за 21 годишниот Горан Томовски.

Од останатите фудбалери според Трансфермаркт, за евентуален трансфер, Диме Димов, Марио Маслаќ и Стефан Костов би чинеле по 250 илјади евра а по 200 илјади евра се голманот Душан Чубраковиќ и фудбалерите  Ѓорги Танушев,  Даниел Миловановиќ и Марио Крстовски.

Вредноста на Академија Пандев според овој сајт чини околу 4,5 милиони евра но откако ќе заврши летниот преоден рок на 31 август можно е да има и одредени промени

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.