Децата на Брера Струмица се разочараа, дрвцата што ги засадија околу тренинг теренот- искорнати !

1036
Пред неполни две недели дечиња од ФК Брера засадија 20 тина зимзелени дрвца кои сега ги нема....

Децата на ФК Брера Струмица кои пред две недели засадија зимзелени дрвца околу теренот каде што тренираат, деновиве се разочараа кога видоа дека истите се искорнати. Станува збор за 20 тина зимзелени дрвца кои ги посадија за Денот на пролетта. Секо дрвце беше именувано по фудбалерчињата бидејки дадоа ветување дека ќе се грижат за нив секогаш кога ќе доаѓаат на теренот да тренираат.

Деновиве дечињата дошле на тренинг и со себе зеле шишиња со вода да ги наводенат младите борчиња, но забележале дека се искорнати по што реагирале до тренерот Никола Костадинов.

,, Срамота е ова. Каков пример оставаме. Децата садат и сакаат да се грижаат за здрава животна средина а некој да го уништува. Мора да се реагира не само институциите туку и граѓаните,, коментираа граѓани кои го видоа разочарувањето на младите фудбалери на струмичкиот проволигаш.

По повод Денот на пролетта на 21 март, 30 тина млади фудбалерчиња на Брера Струмица родени 2016 година,  засадија зимзелени дрвца околу теренот каде што вообичаено тренираат. Станува збор за акција кој ја иницираше тренерот Никола Костадинов а зад која застана ФК Брера Струмица обезбедувајки ги потребните средства за садниците и организацијата за реализација на целата акција во која помогна и ЈП Комуналец.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.