Дел од домакинствата во Василево може да се приклучат на фекалната канализација

506

Домакинствата кои живеат на излезот од Василево кон Пиперево ќе може да се приклучат на Крак 3 од фекалната каналзиација на општинскиот центар што Општината го изгради.  Станува збор за крак кој веќе е ставен во функцијај и на кој може да се приклучат околу 100 тина домакинства кои претходно ќе склучат Договор за ЈПКД Комуналец за приклучување.  Ова значи дека комуналното ќе го приклучи домакинството со потребната канализациона инфраструктура

,,Ако до пред две години во Василево немаше изградено ниту еден метар фекална канализација,денес заврши изградбата на крак К3 и тоа во ситуација кога општината е во најтешката финансиска состојба од своето постоење. Секој метар фекална канализација во Василево е долгоочекуван и неопходен за секојдневното живеење на граѓаните. Но овде не застануваме, оваа година ќе започне да се гради и нов крак од фекална канализација во населеното место Василево“, објави градоначалникот Славе Андонов

Согласно техничката документација, должината на овој крак изнесува 478 метри. Вкупниот Буџет за негова реализација е околу 1 800 000 денари од кои  околу 1 000 000 ден се од општинската каса и 700 000 денари обезбедени од Министерството за транспорт и врски преку Програмата за поддршка на имплементацијата на Декадата и стратегијата за Ромите за 2023 година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.