Приведени две лица од Гевгелија и Валандово – се обиделе да пренесат 16 кг марихуана во Грција

2945

Полициски службеници од Секторот за недозволена трговија со дрога, оружје и опасни материи при Одделот за криминалистичка полиција во соработка со Одделот за спречување на организиран и сериозен криминал, Специјалната антитерористичка единица „Тигар“ и ОВР Гевгелија спречија транспорт на 16 килограми марихуана во вредност од 50 илјади евра, која требало да биде транспортирана од земјава во Грција како крајна дестинација, при што лишени се од слобода две лица.

Имено, по преземени мерки и активности во координација со Јавен обвинител од Основното јавно обвинителство за гонење на организиран криминал и корупција, во попладневните часови во с.Мрзенци била запленета марихуана, спакувана во 20 полиетиленски пакувања кои биле сместени во 2 торби, а на 11.04.2022, по обезбедени материјални докази, биле приведени Т.П.(30) од Валандово и Ј.Р.(31) од Гевгелија, при што се запленети две возила и неколку мобилни телефони.

Денеска СВР Струмица – ОВР Гевгелија до надлежното ОЈО Гевгелија е поднесена кривична пријава по чл.215 ст.1 од Кривичниот законик и лицата ќе бидат спроведени до Судија на претходна постапка од Основен Суд Гевгелија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.