Да не се фрла и остава ѓубре по излетничките места, апелираат екологистите за денешниот празник

726

Сите излетничк- рекреативни места во Југоистокот денеска ќе бидат посетени од граѓани кои на отворено ќе го одбележат празникот на трудот Први мај. Вообичаено со печење скара, пијалок и забава ќе се празнува до попладневните часови. Екологистите од регионот апелираат до сите излетници, денеска да бидат претпазливи со палењето скара и со отпадот кој може да се направи на локациите што ќе бидат посетени. Алармираа ѓубрето и отпадот да се собере и доколку има корпи таму да се остави во спротивно да се однесе до најблиската локација каде има контејнери за таа намена.

,, Апелираме до граѓаните, при посетата на излетничките места во целиот југоисточен регион да не фрлаат отпад и  да не се загадуваат местата кои и утре задутре треба да бидат посетувани. Паралелно апелираме и да не палат огнови на отворени површини а онаму каде има поставена урбана опрема да се чува како што се клупи, летниковци, корпи за отпадоци,, велат екологистите кои информираат дека секое палење оган на отворено и фрлање отпад е казниво со закон

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.