Граѓаните утре на избирачките места треба да кажат дали ќе гласат за Претседателски, Парламентарни или и за двата вида избора

103

Во земјава денеска во тек е гласањето на болните или немоќни лица, лицата кои се на издржување на казна затвор или се во притвор информираат од Државната изборна комисија. Вкупно 11.095 болни или немоќни лица можат да го остварат своето право на глас за вториот круг од претседателските избори, додека за парламентарните избори право да гласаат имаат вкупно 11.197 болни и немоќни.

Општина Струмица според информациите од општиската изборна комисија во право на глас денеска имаа 549 болни и изнемоштени лица. За претседателските утре може да гласат 49 562 граѓани додека за парламетарните 49 671 или 109 грагани повеќе

Според правилата од ДИК утре граѓанинот само ќе одлучи дали ќе се изјаснува само за претседателски или само за парламентарни избори или и за двата изборни циклуса. Ова прашање ќе го добијат и од избирачкиот одбор кој треба да го праша граѓанинот што излегол да гласа.

Претседателот на Државната изборна комисија (ДИК) Александар Даштевски во интервју за МИА кажа дека граѓаните имаат право да гласаат за двата вида избори или пак само за парламентарни или само за претседателски избори, по желба. Тоа, вели, треба добро да се објасни бидејќи за претседателските избори има цензус од 40 отсто

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.