Градоначалникот на Василево Славе Андонов избран за претседател на Југоистокот

562

Градоначалникот на општина Василево Славе Андонов е избран за прв човек на Советот на градоначалници на Југоисточниот плански регион и тој во наредната година ќе раководи со највисокото тело на Југоистокот. Тој доаѓа на позицијата претседател, откако му истече мандатот на Ацо Ристов кој раководеше во изминатата година. За него приоритет ќе биде регионалниот развој преку искористување средства од домашни и странски фондови.

Најпрво би сакал да упатам благодарност до моите колеги кои ми ја дадоа довербата и поддршката во наредните година дена време да го водам Советот на градоначалници на Југоисточниот плански регион. Секако дека ова ќе биде предизвик за мене но верувам и убеден сум дека со заедничка соработка со сите колеги но и со вработените од Центарот за развој на Југоисточниот плански регион ќе одговориме на сите предизвици но и да ставиме акцент на регионалните проекти кои ќе не поврзуваат или се барања на нашите граѓани. Во услови на лимитирани средства на сите локални самоуправи, фокус ќе ми биде секако можноста за искористување на повеќе средства од домашни и странски фондови за реализациија на проекти во Југоистокот, решавање на проблеми кои се во интерес на регионот, поголема соработка на општините со оглед дека не мачат прибилижно исти проблеми“, кажа Андонов

Андонов беше предложен од градоначалникот на Ново Село Ѓорѓе Божинов. За него гласаа градоначалниците на Гевгелија, Радовиш, Конче, Ново Село, Босилово и Василево.  Во игра за функцијата претседател беше и првиот човек на Струмица Костадин Костадинов на предлог на градоначалникот на Богданци Блаже Шапов. По двете паузи Костадинов се повлече од кандидатурата и заедно со градоначалникот Шапов и преставникот од Валандово го напуштија гласањето.

 

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.