Во струмичката болница ќе се прави стентирање и ангиографија, почна да работи интервентната кардиологија (видео)

757

Струмичката болница објави дека од денеска започна со работа Единицата за интервентна кардиологија – ангиографија и стентирање, која ќе придонесе за  ургентен третман на пациентите со животно загрозувачки состојби во прединфарктна и инфарктна состојба кои пак досега се транспортираа на клиниките во Скопје и Штип.

Во работата на интервентните процедури на пациентите се вклучи кардиолошкиот тим на ЈЗУ Општа болница Струмица во состав доктор Верица Милушева Трендова и доктор Методија Иванов со поддршка на експерти кардиолози  од Клиника за кардиологија доктор Жан Зимбаков и доктор Оливер Бушлетиќ .

,, Успешно беа завршени 2 интервенции од кои на едниот пациент му беше имплантиран стент. Нашата цел како јавна здравствена установа е да овозможиме квалитетна дијагностика, со нова модерна опрема и нови дијагностички и терапевтски процедури , неопходни за навремена дијагноза и третман на пациентити,, објавија од ЈЗУ Општа болница од Струмица

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.