Во Струмица стапуваат на сила мерките за надминат праг на аерозагадување – два дена високи концентрации на ПМ10 честички

437

Во Струмица стапуваат на сила мерките за справување со загадувањето на амбиенталниот воздух бидејки два дена мерните станици покажуваат високи концентрации ПМ 10 честички повеќе од дозволеното. Станицата на МЖСПП  покажала дека е надминат прагот на алармирање на суспендирани честички со големина до 10 микрометри кој согласно регулативата два последователни изнесувал над 150 mg/m3. Врз одлуката на МЖСПП влијаела и временската прогноза на УХМР.

Во Струмица изминатите два дена овие вредности изнесувале 156 и 236, извести Министерството за животна средина.Во вакви случаи се препорачува да се избегнува престојување на отворен простор, се ослободуваат од работа бремените жени и повозрасните лица, лицата со хронични болести и сите други засегнати лица кои спаѓаат во оваа група на ранлива категорија.

Мерната станица во Струмица синоќа регистрираше и 679 mg/m3  за што реагираа од „Здрава котлина“

„Метеоролошки причини нема, загадувањето од загревањето на домаќинствата е прилично константно, но ниту приближно до она што се случува секоја вечер во Струмица. Вакви амплитуди на загадување, во вакви околности, се можни единствено со посредство на организиран криминал од бескрупулозни “бизнисмени” заштитени како бели мечки“ стои во објавата на Здрава котлина

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.